Гомельскі абласны выканаўчы камітэт

Адрес облисполкома

Адрас: 246050, Гомель, пр. Леніна, 2
Галоўная | Улада
Улада

Лукашэнка павіншаваў супрацоўнікаў Гомельскага абласнога клінічнага анкадыспансера з 75-годдзем заснавання ўстановы

16.12.2020
Фота gp.by
Фота gp.by
16 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў супрацоўнікаў Гомельскага абласнога клінічнага анкалагічнага дыспансера з 75-годдзем з дня заснавання ўстановы. Аб гэтым БЕЛТА паведамілі ў прэс-службе кіраўніка дзяржавы.

У віншаванні гаворыцца, што за тры чвэрці стагоддзя пройдзены велізарны шлях, выратаваны дзясяткі тысяч пацыентаў, назапашаны ўнікальны вопыт аказання спецыялізаванай дапамогі.

"Дзякуючы прафесіяналізму і мэтанакіраванасці некалькіх пакаленняў высокакваліфікаваных медыцынскіх работнікаў у дыспансеры пастаянна ўкараняюцца лепшыя сусветныя методыкі прафілактыкі, дыягностыкі і лячэння, праводзяцца важныя навуковыя даследаванні. Вы вяртаеце людзям надзею на доўгае жыццё і шчаслівую будучыню", - падкрэсліў кіраўнік дзяржавы.

Прэзідэнт упэўнены, што адданасць выбранай справе, захаванне лепшых традыцый айчыннай медыцыны, настаўніцтва ў адносінах да маладых калег і ў далейшым дапамогуць плённа працаваць і дасягаць новых поспехаў.

Аляксандр Лукашэнка пажадаў вялікаму дружнаму калектыву, ветэранам, іх родным і блізкім моцнага здароўя, шчасця, дабрабыту.-0-

К СПИСКУ НОВОСТЕЙ